生日, 40歲, YEAH!
如果我有80歲命, 我已過了一半, SHIT~
回顧前半生, 傻下傻下, 反而傻人有傻福!
快樂, 有時好簡單, 不用刻意經營!
以下就數下前半生的一些第一次.
1. 著底褲
我8歲之前, 係唔著底褲既!
無錯, 無論在家出街時, 均只穿面褲, 非常涼快!
其實, 根本無著底褲既概念!
有一天, 牙媽發現, 小朋友都應該著UNUN!
佢開始迫我著!
我好抗拒, 反抗, 無效!
那一天, 我從浴室出來時, 赫然發現全家人守在門前, 見證我著UNUN既歷史性時刻!
那一刻, 我感到很彆扭, 被家人視姦了十幾分鐘, 我行到邊, 佢地望到邊.
所以, 你可以叫我做張UNUN!
2. 呃老師
小2果時, 有個教我地既MISS, 成日話自己睇人好叻!
記得有一次, 有個學生唔知呃佢咩野, 俾MISS當場篤爆, 震懾全班小學生既弱小心靈!
有一日, MISS叫班長派作業.
我明明無做, 大著膽子拎本作業出去, 同MISS講佢漏左改我果本!
MISS用佢凌厲既眼神睥住我對眼, 又企圖想震懾我!
我對眼迎上去, 我知道, 若稍露半點驚慌, 即會被當場篤爆!
我用極天真, 極瀾漫, 極無辜,好萌既眼神抵抗迎合!
過左5-6秒, MISS低下頭, 即場批改我既作業!
前面有個同學問:
'MISS, 你唔俾張欣欣係講大話咩?'
MISS懶自信說:
'我識睇人既, 我睇得出張欣欣無講大話!'
我當時只有6,7歲, MISS約30歲,
但我心中有種塞豆窿KO左個30歲婆娘既快感!
Search